Kunsroof: Vier gesteelde skilderye gevind
2012-11-13 15:37
Johannesburg – Vier van die vyf skilderye wat die naweek uit die Pretoria-kunsmuseum se permanente versameling gesteel is, is in Port Elizabeth opgespoor, het die dagblad Beeld Dinsdag berig.
Die skilderye is glo onder ‘n bankie naby die herinneringsmuur van die NG-kerk Sunridgepark gevind.
Die polisie het op 'n wenk gereageer, maar niemand is nog in verband met die diefstal in hegtenis geneem nie.
Die museum is voorlopig gesluit ná gewapende rowers Sondag met skilderye ter waarde van R17,5 miljoen vort is.
Die DA het vroeër gesê hy het die metroraad herhaaldelik gewaarsku oor die gebrek aan voldoende veiligheidsmaatreëls by die museum.
"Ek het die Tshwane-metro lank al oor sy gebrek aan toewyding aan hierdie instelling gewaarsku," het Johan Welmans, 'n woordvoerder vir die party, gesê.
"Die indruk wat ek gekry het, is dat die Pretoria-kunsmuseum eenvoudig nie 'n prioriteit is vir die ANC-beheerde Tshwane-metro nie," het hy gesê.
– Lees hier meer.
– Volg Nuus24 op Twitter.
