Kunene se klub moet dalk sy deure sluit
2011-07-04 14:02
Kaapstad – Die bestuur van die spog-nagklub ZAR in Kaapstad is gewaarsku om geldige bedryfslisensies te bekom of die klub se deure te sluit.
Die nagklub, wat in Januarie vanjaar sy deure geopen het, word bedryf sonder 'n drank- en sakelisensie.
Die sakemagnaat Kenny Kunene is die mede-eienaar van die klub wat by die Cape Royale-hotel in Groenpunt geleë is.
Daar word beweer dat die klub met die hotel se lisensies handel dryf.
JP Smith, burgemeesterskomiteelid vir veiligheid en sekuriteit, het gesê 'n kennisgewing sal binnekort aan die bestuur van die nagklub uitgereik word.
Smith het gesê die polisie se drankeenheid sal ook binnekort 'n finale kennisgewing aan die bestuur uitreik.
– Lees meer hier
– Volg Nuus24 op Twitter