Kuber-verkragter vasgetrek
2011-10-07 23:10
Johannesburg – Die 22-jarige ‘Kuber-verkragter’ wat klaarblyklik
meeste van sy slagoffers via die internet geteiken het, is in hegtenis geneem.
Polisiewoordvoerder Vish Naidoo het Vrydagaand
gesê dat Bester, wat ten minste 13 skuilname het, Woensdagaand in die
Alberton-area vasgetrek is.
Hy word aangekla van ‘n reeks misdade in
Kaapstad, Durban en Gauteng, insluitend die moord van ‘n model in Milnerton
verlede maand en die verkragting van twee modelle in Durban twee maande gelede.
Bester het na bewering e-poste aan vroue
gestuur waarin hy homself as ‘n internasionale modelagent voordoen en die vroue
oortuig dat die agentskap in hulle belangstel.
Ander slagoffers het hy persoonlik ontmoet en dan later hul
‘vriend’ op Facebook geword het om sodoende kontak te behou.
Bester het Vrydag in die hof verskyn waarna hy
in aanhouding sal bly tot sy saak weer voorkom.
Volg Nuus24 op Twitter.
- SAPA