Krokodil vir moetie geslag

2013-01-15 13:05

Durban – 'n Krokodil-kop wat op die 5de Januarie op ‘n strand in St Lucia uitgespoel het, is heel waarskynlik deur 'n mens afgesny wat die dier vir moeti geslag het.

Andrew Zaloumis, uitvoerende hoof van die Isimangaliso-vleilandpark, het bespiegeling dat die krokodil dalk deur ‘n haai gevreet is, as onwaar afgemaak, en gesê die dier se tong is uitgesny. Dit is volgens The Witness  ‘n teken dat dit doodgemaak is vir moetie.

Die kop is op 5 Januarie deur Neale en Brigitte Cary Smith sowat 1 km van die Umfolozi-rivier se mond gevind.

Zaloumis het bygevoeg dat die reptiel sowat 3,5 m lank was.

– Volg Nuus24 op Twitter