Krejcir-borgtog nie verminder
2011-07-14 13:45
Johannesburg – Die Tsjeggiese sakeman Radovan Krejcir se aansoek om sy borgtogbedrag te verminder, is Donderdag in die Johannesburgse landdroshof verwerp.
Eddie Klaasen, Radovan se prokureur, het die hof gevra om sy borgtog van R500 000 na R250 000 te verminder.
Krejcir het in sy beëdigde verklaring gesê hy wil hê die hof moet sy borgtogbedrag verminder sodat hy sy mediese onkoste kan betaal.
Die hof het die aansoek verwerp en gesê die borgtogwaarborg is nie eerste opsie nie en dat hy eiendom, wat meer as R20 miljoen werd is, besit.
Sy saak is tot 26 Augustus uitgestel vir verdere ondersoek en sy borgtog van R500 000 is verleng.
Krejcir het in die hof verskyn op aanklag van bedrog nadat hy 'n valse versekeringseis ingedien en die maatskappy R4,5 miljoen aan hom uitbetaal het.
– Volg Nuus24 op Twitter
- SAPA