Krejcir: Saak van roof uitgestel

2012-04-23 16:01

Pretoria – ‘n Saak van roof waarby die sakeman Radovan Krejcir en twee medebeskuldigdes betrek word,is Maandag in die Pretoria-landdroshof uitgestel.

In ‘n baie kort verskyning het landdros Maryke de la Rey die saak tot 11 Mei uitgestel, wanneer openbaarmaking van bewyse aan die verdediging gemaak sal word.

Die voormalige Tsjeggiese burger, sowel as Jason Domingues en Veselin Langanin, se borgvoorwaardes is Maandag verleng.

Tydens hul vorige verskyning in Februarie het die hof borgtog van R30 000 aan Krejcir toegestaan.

Domingues en Langanin is elk op borgtog van R10 000 vrygelaat.

Die drie het in daardie tyd sowat ‘n week in aanhouding deurgebring nadat hulle in hegtenis geneem is vir ‘n rooftog in November 2011 by ‘n elektronikawinkel in Pretoria-Wes wat deur ‘n Pakistanse burger besit word.

– Volg Nuus24 op Twitter