Kragonderbrekings glo diewe se skuld
2010-10-26 03:18
Durban – Kabeldiewe was glo te blameer vir die kragonderbrekings in sekere dele van Durban die afgelope naweek, het die stad Maandagmiddag bekend gemaak.
“Die kabeldiewe het weer Saterdagaand toegeslaan en heelwat chaos veroorsaak. Sekere dele was tot Sondagoggend nog sonder krag,” het Thabo Mofokeng, die stad se woordvoerder, in ‘n verklaring gesê.
Na bewering het die diewe die brand veroorsaak wat verskeie kabels in Joseph Nduli-straat verwoes het.
“Dit is duidelik dat die kabeldiewe verantwoordelik is vir die skade wat miljoene rande sal kos om te herstel,” het Mofokeng gesê.
Volg Nuus24 op Twitter.
- SAPA