Krag gedeeltelik herstel in Jhb
2011-04-07 15:17
Johannesburg – Die kragverskaffer City Power sal Donderdagmiddag begin om gedeeltelik elektrisiteit in groot dele van Johannesburg te herstel.
Woongebiede insluitend Rosebank, Illovo, Athol en Melrose is sedert Woensdagaand sonder elektrisiteit weens 'n kabelfout by die Sydenham-substasie.
City Power het gesê hy werk hard om die elektrisiteit te herstel, maar het gewaarsku dat sommige gebiede dalk tot Vrydag sonder elektrisiteit kan wees.
Louis Pieterse, woordvoerder, het gesê daar is nog baie werk wat gedoen moet word om die kabels te herstel, maar hy glo dat elektrisiteit teen Donderdagmiddag gedeeltelik herstel sal wees.
Lees meer hier
Volg Nuus24 op Twitter