Kraaifontein-meisie ís verkrag

2013-02-11 17:58

Johannesburg – Die Wes-Kaapse polisie het bevestig dat die 19-jarige tiener wat die afgelope naweek in Kraaifontein naby Kaapstad vermoor is, ook verkrag is.

Lt.kol. André Traut sê haar lyk is in ‘n bed-laai in ‘n woonstel gevind. Die polisie vermoed dat sy verwurg is.

Polisiebeamptes het vroeër gesê die jong vrou se naam sal nie bekendgemaak word voordat haar familie haar uitgeken het nie.

Traut sê 'n 21-jarige man is in hegtenis geneem en het in die Blue Downs-landdroshof verskyn. Verdere besonderhede oor die hofverrigtinge is nie bekend nie.

Nes in die saak van Anene Booysen (17) van Bredasdorp, is iemand na aan die slagoffer – en bekend aan haar familie – in hegtenis geneem.

Volg Nuus24 op Twitter