Kotzé 'was nooit gewelddadige man'

2012-11-21 13:18

Pretoria – Ina Bonnette sê sy het vertroue in haar eksman, Johan Kotzé, begin verloor toe hy oor ‘n kanker-diagnose gejok het, het die stad se hooggeregshof gehoor.

Sy sê sy het deur haar werk toegang tot patoloë gehad en uitgevind dat hy nie kanker gehad het nie. Hy het na bewering vir haar gesê kanker is by hom gediagnoseer.

Bonnette meen dit het tot die einde van hul huwelik gelei.

Sy het ook vertel dat sy Kotzé nooit as ‘n gewelddadige man beskou het nie, totdat hy haar gemartel en haar seun doodgeskiet het.

Kotzé, Andries Sithole, Pieta Mohlane en Frans Mphaka word van die moord op Bonnette se seun, Conrad, aangekla. Hulle word ook daarvan beskuldig dat hulle haar ontvoer en om die beurt verkrag het.

Bonnette het vroeër in detail oor die gru-aanval op haar uitgebrei. Sy het baie emosioneel geraak toe die sogenaamde Modimolle-monster se regsverteenwoordiger, Bernard Bantjes, haar ondervra het.

Bantjes het gesê hy is bewus van haar trauma, maar moes vrae vra om aspekte van die saak duideliker te maak.

Die verhoor duur voort.

Volg Nuus24 op Twitter  

- SAPA