Korrupte prokureur gevonnis
2009-10-13 03:37
Kaapstad - ‘n Voormalige Wes-Kaapse regter is Maandag tot 'n R75 000 boete of drie jaar tronkstraf gevonnis nadat hy byna R300 000 van kliente gesteel het.
Landdros Amrith Chabillal het toe hy die vonnis uitgespreek het gesê Zolani Sandla het die regsgemeenskap asook die mensdom in die skande gesteek.
Sandla het gevra of die boete geleidelik afbetaal kon word maar Chabillal het sy versoek van die hand gewys.
Sandla het in padongevalle eise gespesialiseer. Hy het onderskeidelik sowat R289 000 en R10 000 van twee vroue wat eise namens hul seuns gemaak het, gesteel.
Chabillal het gesê Sandla sou aanhou om van “die minder bevoorregtes steel” as hy nie van sy prokureurskap onthef is en ‘n regter van die hooggeregshof voorgestel het dat ‘n ondersoek tot sy praktyk gedoen word nie.
Saam met die boete is Sandla ook tot 12 maande tronkstraf wat vir vyf jaar opgeskort is, gevonnis.
- Sapa