Kontrakteur van Spar vas oor gesteelde kos

2012-12-23 09:30

Johannesburg – Drie mans is Sondagoggend in hegtenis geneem nadat die polisie beslag gelê het op kos ter waarde van R300 000, het die Johannesburgse metropolisie gesê.

Hoofsupt. Wayne Minnaar, woordvoerder, het gesê die polisie het omstreeks 01:00 'n vragmotor en 'n sleepwa in die bosse naby die Olifantsfontein pad en die Ou Pretoria-hoofweg in Midrand gesien.

"Toe hulle gaan ondersoek instel, het hulle afgekom op drie mans wat kruideniersware, insluitend babakos en weggooidoeke, uit die vragmotor laai."

Minnaar het gesê die kruideniersware is in 'n Nissan Hardbody-bakkie gelaai. Die eienaar van die vragmotor en sleepwa was 'n kontrakteur vir die Spar-kettingwinkels.

Al die mans is op die toneel in hegtenis geneem.

Minnaar het gesê die mans sal Maandag op aanklag van diefstal in die Randburg-landdroshof verskyn.

– Volg Nuus24 op Twitter

- SAPA