Konstabel steel glo motor
2010-01-26 13:25
Johannesburg – ‘n Polisiekonstabel is in hegtenis geneem nadat ‘n gesteelde Toyota Avantis in sy besit gevind is, het die Oos-Kaapse polisie Dinsdag gesê.
“Die Nasionale Ondersoekeenheid het een van sy eie lede gearresteer, ‘n konstabel. Hy was in besit van ‘n gesteelde voertuig gevind,” het supt. Mzukisi Fatyela gesê.
"Dit is nie die eerste keer dat hy by motordiefstal betrek word nie.”
Volgens Fatyela het vorige vermoedens tot die konstabel se arrestasie Maandagaand by sy huis in die dorp Ngangelizwe gelei.
Die 31-jarige konstabel sal Woensdag in die Mthatha-landdroshof verskyn.
- Sapa