Kommissie kan getuies dagvaar
2011-10-27 15:44
Kaapstad – Die kommissie van ondersoek na die regering se omstrede wapentransaksie sal die mag hê om getuies, insluitend uitvoerende lede, te dagvaar, het Jeff Radebe, minister van justisie, Donderdag gesê.
"Hulle sal die mag hê om enigiemand, insluitend uitvoerende lede, te dagvaar," het Radebe tydens die aankondiging van die kommissie se terme van verwysing in Kaapstad gesê.
Radebe het gesê die kommissie het ook die mag om getuies te verplig om vrae te beantwoord.
Indien die getuies versuim om hul samewerking te gee, kan hulle 'n jaar tronkstraf of 'n boete opgelê word.
Die kommissie sal sy werk binne twee jaar afhandel.
Hy sal 'n finale verslag aan die president oorhandig met die aanbevelings oor of regstappe teen enigeen gedoen moet word of kontrakte gekanselleer moet word.
Radebe het gesê die feit dat pres. Jacob Zuma die kommissie aangestel het, is 'n aanduiding dat hy die aanbevelings ernstig sal opneem.
Die kommissie sal 'n begroting van R40 miljoen hê om sy werk te doen.
Die finale verslag sal aan die publiek bekend gemaak word.
– Volg Nuus24 op Twitter
- SAPA