Kom klop aan my deur – Malema
2012-12-28 10:15
Johannesburg – Die voormalige leier van die ANC-jeugliga, Julius Malema, sê dit is tyd vir politici om hom te oorreed om vir hulle te stem, het The Star Vrydag berig.
"Ek wil voel asof ek gewerf word, waar politici aan my deur kom klop om my te werf," het Malema aan die koerant gesê.
Malema het gesê hy is uit die ANC nadat hy al die interne prosesse uitgeput het.
"Ek is 'n gewone Suid-Afrikaner, so mense moet my nou kan oorreed om my kruisie in 2014 langs hul name te trek."
Malema het gesê hy is "baie gelukkiger" om nie "goed aan mense te verkoop wat nie verkoopbaar is nie".
Hy het ook aan die koerant gesê sy boerdery is goed op dreef.
"Ek het tamatie, kool, botterskorsie en vee. So in Februarie, wanneer dit oestyd is, kan mense my nader indien hulle wil koop."
– Volg Nuus24 op Twitter
- SAPA
