Klopjag op Okah se tronksel uitgevoer
2011-02-24 14:00
Johannesburg – Die polisie het beslag gelê op selfone, laaiers, 'n kaart en papiere met telefoonnommers in die tronksel van die Nigeriese terreur-beskuldigde Henry Okah, het Pretoria News Donderdag berig.
McIntosh Polela, woordvoerder van die Valke, het dié klopjag wat Dinsdagaand plaasgevind het, bevestig.
Die klopjag is uitgevoer nadat Nigeriese owerhede die Suid-Afrikaanse regering in kennis gestel het van beweerde terreurdreigemente wat Okah uit sy tronksel gemaak het.
Okah is laat verlede jaar in die Johannesburgse landdroshof borgtog geweier.
Hy staan tereg op aanklagte van terrorisme wat verband hou met 'n bomaanval in Abudja, Nigerië, waarin 12 mense dood en 36 beseer is.
Okah kon nie daarin slaag om aan die hof te bewys dat hy nie die leier is van die Nigeriese rebellegroep die Beweging vir die Bevryding nie.
Dié rebellegroep het verantwoordelikheid aanvaar vir die bomaanvalle wat op onafhanklikheidsdag plaasgevind het.
Volg Nuus24 op Twitter
- SAPA
