Kleuter van Potch in kritieke toestand

2012-11-03 14:04

Potchefstroom – 'n Kleuter is in 'n kritieke toestand in die hospitaal ná hy in Potchefstroom in 'n swembad geval het, het die polisie in Noordwes Saterdag gesê.

"Die ouers het Vrydagaand buite na die kleuter gaan soek en het hom met sy kop na onder in die swembad gekry," het Vanessa Jackson, 'n woordvoerder, gesê.

Dis nie duidelik hoe hy in die swembad beland het, of hoe lank hy in die water was voor sy pa hom gevind het nie.

Die seun was koud en het geen pols gehad nie.

Paramedici het daarin geslaag om weer 'n pols te kry ná hulle hom behandel het.

Die kleuter is daarna na Johannesburg se Garden City-hospitaal geneem vir spesialisbehandeling.

– Volg Nuus24 op Twitter.

- SAPA