Kleuter in ernstige toestand ná hond hom byt
2012-03-06 10:09
Kaapstad – ‘n Kleuter is in ‘n ernstige toestand nadat ‘n rottweiler hom in Belhar in die Moederstad aan sy nek gegryp het, het ‘n koerant berig.
Die Cape Times berig Lincoln Nimmerhuidt (3) en sy stiefpa het Sondag verby die hond geloop toe hulle na hul dokter se spreekkamer gestap sodat die seun vir waterpokkies behandel kon word.
Die hond het by die Perseverance-laerskool uitgehardloop en die seun gegryp. Volgens die koerant het die rottweiler die kleuter na die skool probeer sleep.
Uzent Links, die seun se stiefpa, het aan die koerant gesê die hond het die seun by die nek gegryp en wou hom nie los nie.
“Ek het myself op [die hond] gegooi, maar dit wou my nie byt nie,” het hy vertel.
Die kleuter is in ‘n hospitaal opgeneem en is vir beserings aan sy kop, gesig en lyf geopereer.
Ao. November Filander, ‘n polisiewoordvoerder, sê die hond is deur die vereniging vir die voorkoming van wreedheid teenoor diere uitgesit.
‘n Saak is geopen teen die veiligheidsmaatskappy wat wag hou oor die skool, aangesien die hond na bewering die skool opgepas het.
Volg Nuus24 op Twitter
- SAPA
