Kinderverkragter kry lewenslank
2011-05-11 19:56
Johannesburg - ‘n Man is lewenslange tronkstraf opgelê nadat hy skuldig bevind is aan die verkragting van ‘n 13-jarige meisie in 2010, het die polisie in die Oos-Kaap gesê.
Hans Hobson (37) is in die Hankey-streekshof dié vonnis opgelê. Die misdaad het in Humansdorp gebeur, het lt. kol. Priscilla Naidu, woordvoerder, gesê.
Die tiener het in Januarie 2010 by Hobson gaan kuier, maar het hom aangetref waar hy saam met vriende gedrink het. Toe sy Hobson se huis verlaat het, het hy haar agtervolg en verkrag.
Hobson is in 1996 10 jaar tronkstraf opgelê vir die verkragting van ‘n vrou in Arcadia, Humansdorp, het Naidu gesê.
- Volg Nuus24 op Twitter
- SAPA