Kinders speel met gebruikte naalde
2009-12-21 18:40
Johannesburg – Twee kinders is Maandag met inspuitings en naalde betrap wat glo aan ’n diabeet behoort het, het die departement van gesondheid in Limpopo gesê.
Gesondheidsinspekteurs is tans besig om uit te vind waar die kinders die naalde in die hande gekry het.
Selby Makgotho, ‘n woordvoerder vir die departement, het gesê ‘n span is na Musina gestuur om die voorval te ondersoek.
Die SABC het 'n verslag uitgereik wat sê die kinders het in die straat gespeel toe hulle op ‘n boks vol naalde en antiretrovirale middels naby ‘n asblik afgekom het.
Luidens die verslag het een van die kinders twee van sy vriende met die naalde ingespuit, wat na bewering deur ‘n MIV-pasiënt gebruik is.
Makgotho kon nie die bewerings bevestig nie en het gesê die ondersoek sal meer duidelikheid gee.
"Ons is maar skepties oor die MIV-status van die pasiënt, ons weet niks daarvan af nie.”
Die kinders is na 'n hospitaal geneem vir verdere behandeling.
-Sapa