Kinders deur motor raakgery
2009-09-08 18:21
Johannesburg – Twee kinders, onderskeidelik sewe en agt jaar oud, is ernstig beseer nadat hulle Dinsdag deur ‘n motor omgery is toe hulle ‘n straat in Langlaagte oorgesteek het, het nooddienste in Johannesburg gesê.
“Die ongeluk het 16:00 op Bartlettstraat oorkant die treinstasie plaasgevind,” het woordvoerder Percy Morokane gesê.
“Die sewejarige meisie en agtjarige seun is broer en suster.”
Hulle het beenbeserings opgedoen en is na die hospitaal geneem.
Morokane kon nie die omstandighede rondom die ongeluk bevestig nie, maar hy het wel gesê dat ‘n saak van roekelose en nalatige bestuur oopgemaak is.
“Aangesien ons gister met publieke veiligheidsmaand begin het gaan die ouers gevra word om te verduidelik hoekom hul kinders alleen gedurende hierdie tyd rondgeloop het,” het Morokane gesê.
Hy het bygevoeg dat dit baie onwaarskynlik was dat die kinders oppad terug was van die skool af.
- Sapa
- Baba en Kleuter