Kindermishandeling neem toe in Kaapstad
2011-10-18 12:10
Kaapstad – Kaapstad het vanjaar die hoogste aantal sake van kindermishandeling gehad, met die meeste sake wat in die Athlone-gebied aangemeld is.
Kinderwelsyn Kaapstad het aan Independent Online 38 sake is verlede maand en die 1 Oktober aangemeld. Volgens die organisasie is 24 kinders regoor die stad verwaarloos.
Niresh Ramklass, uitvoerende hoof van Kinderwelsyn Kaapstad, het gesê die seksuele mishandeling sluit verkragting in.
In die finansiële jaar April 2010 tot Maart vanjaar, is 103 sake van seksuele mishandeling en 239 sake van verwaarlosing by die organisasie aangemeld.
In Athlone is 35 kinders verlede jaar seksueel mishandel en 145 kinders verwaarloos.
In Lotusrivier, Ottery, Philippi en Pelican Park is 31 sake van seksuele mishandeling aangemeld, 11 in Hanover Park en 10 in Houtbaai.
In Khayelitsha is 29 sake van verwaarlosing aangemeld, 24 in Philippi-Oos en 14 in Ottery, Lotusrivier en Pelican Park.
Suzette Little wykraadslid in Athlone, het gesê 'n opvoedingsforum, wat fokus op maatskaplike kwessies wat mishandeling en die verwaarlosing van kinders aanhits, sal in plek gestel word.
– Volg Nuus24 op Twitter
- SAPA