Kind verloor arm in busongeluk
2010-06-10 20:01
Johannesburg – ‘n Tweejarige kind is Donderdagoggend dood en ‘n 11-jarige kind se arm geamputeer in ‘n busongeluk op die R24 buite Magaliesburg, het die polisie gesê.
Volgens kol. Junior Metsi, polisiewoordvoerder in Noordwes, het sowat 40 mense die ongeluk oorleef.
‘n Saak van strafbare manslag word ondersoek.
“Die busbestuurder het vermoedelik slaperig geraak en toe uitgeswaai vir ‘n ander motor. Die bus het passasiers vanaf Krugersdorp na Rustenburg vervoer,” het Lesiba Kgwele, woordvoerder van die departement van openbare veiligheid in Noordwes, gesê.
Die beseerdes is na die Shimankane Tabane-hospitaal geneem vir mediese behandeling.
Volgens Chris Botha, Netcare 911-woordvoerder, is die tweejarige kind onder die bus gevind en was hy reeds dood met paramedici se aankoms op die toneel.
Hierdie ongeluk kom slegs ‘n dag ná nog ‘n busongeluk in die Vrystaat.
Sowat 46 mense is Woensdag beseer toe die bus waarin hulle gery het naby die Sterkfontein-dam in ‘n ongeluk betrokke was.
Volg Nuus24 op Twitter.
- SAPA