Kind beseer in botsing naby tolhek

2013-01-02 08:29

Johannesburg – ‘n Vyfjarige kind het ernstige beserings in ‘n kop-teen-kop-botsing naby die Grasmere-tolhek in Gauteng opgedoen.

Paramedici sê drie volwassenes en twee kinders was in een voertuig, terwyl die ander voertuig ses insittendes gehad het.

“Die kind is kritiek beseer toe die voertuig waarin sy was, omgeslaan en talle kere gerol het,” het ‘n woordvoerder vir Netcare 911 gesê.

“Die ander vier insittendes van die voertuig het ernstige beserings opgedoen.”

Die kind is per helikopter vir dringende mediese sorg na ‘n hospitaal geneem.

Volgens die woordvoerder het die insittendes van die ander voertuig matige beserings opgedoen en is ook vir behandeling na ‘n hospitaal geneem.

Volg Nuus24 op Twitter

- SAPA