Kenner in Jub Jub-saak het 'fouteer'
2011-10-11 15:38
Johannesburg – Die ongeluk-rekonstruksiekenner Renier Balt, het 'n fout begaan in sy verslag, het die Protea-landdroshof gehoor in die verhoor van Molemo "Jub Jub" Maarohanye en Themba Tshabalala.
Maarohanye en Tshabalala het op 8 Maart verlede jaar in 'n groep skoolkinders geploeg.
Vier kinders is dood in die ongeluk en twee ander het ernstige beserings, waaronder breinskade, opgedoen.
Ike Motloung, vir die verdediging, het gesê Balt het bevind dat die twee voertuie nie teen mekaar gebots het nie – sonder om die inligting met die getuies te bevestig.
"Jy het baie goed verkeerd gekry," het Motloung gesê. Motloung het gesê Maarohanye gaan getuig dat die twee motors gebots het.
"My opinies is gebaseer op fisiese bewyse," het Balt aan die hof gesê.
Motloung het gesê Balt het sy bevinding oor die Mini Cooper wat die kinders getref het, verander nadat hy besef het hy kan nie verslag gee oor twee van die ses seuns nie.
Balt het aan die hof gesê die blou Mini Cooper het die groep kinders getref nadat dit omgeslaan het. Hy het later sy stelling teruggetrek en gesê hy het 'n fout gemaak deur te sê die blou motor het die kinders getref.
– Volg Nuus24 op Twitter
- SAPA