Kapers probeer R450K se sigarette steel
2010-07-14 02:50
Johannesburg – ‘n Afleweringswa wat sigarette met ‘n straatwaarde van R450 000 vervoer het is Dinsdag in Roodepoort, Johannesburg gekaap, het die polisie gesê.
Drie gewapende mans het die vragmotorbestuurder en ‘n passasier gekonfronteer terwyl hulle besig was om terug na die voertuig te loop, het ao. Solomon Sibiya gesê.
Twee van die kapers het die mans beveel om in die vragmotor te klim, terwyl die ander een na ‘n industriële gebied in Chamdor, naby Kagiso gery het waar hulle die sigarette in 'n ander voertuig oorgelaai het.
Die kapers het glo een van die mans met die vuurwapen geslaan voordat hulle gevlug het.
Niemand is nog in verband met die kaping in hegtenis geneem nie.
- Volg Nuus24 op Twitter.
- SAPA