Kanker verkeerdelik by vrou gediagnoseer

2012-11-14 10:24

Johannesburg – Die departement van gesondheid in Limpopo moet miljoene rande aan 'n vrou betaal nadat kanker in 2005 verkeerdelik by haar gediagnoseer is.

Die vrou het 'n dubbele mastektomie en chemoterapie ondergaan, het The Star Woensdag berig.

Luidens dokumente wat by die Pretoriase hooggeregshof ingedien is, beweer die 49-jarige huisvrou dat sy verkeerdelik deur 'n dokter by 'n provinsiale hospitaal gediagnoseer is.

Ná haar operasie en chemoterapie het sy uitgevind dat sy nooit kanker gehad het nie.

Die vrou is in 2005 meer as R9,9 miljoen in skadevergoeding van die gesondheidsowerhede in Limpopo toegeken. Owerhede het erken dat hulle nalatig was en ingestem om die bedrag te betaal.

Hulle het ingestem om 80% van die skade te betaal wat die vrou kan bewys. Die vrou se regskostes sal ook betaal word.
      
– Volg Nuus24 op Twitter

- SAPA