Kabinet verwelkom deurbraak in MIV-jel
2010-07-21 02:47
Johannesburg – Die aankondiging van ‘n deurbraak-jel wat vroue help om hulself teen MIV en ander infeksies te beskerm, is Dinsdag deur die kabinet verwelkom.
Volgens Themba Maseko, woordvoerder van die regering, het die kabinet die beskermende jel wat deur 'n Suid-Afrikaanse navorsingspan ontwikkel is, verwelkom.
Dié jel kan die oordrag van MIV/vigs by vroue met 40% verminder.
Die bevindings van die navorsing is Dinsdag by die Internasionale Vigs-konferensie in Wene, Oostenryk, bekendgemaak.
Die studie is deur die Centre for Aids Programme of Research in Durban uitgevoer in samewerking van die Univerisiteit van Columbia in die VSA.
Dié nuwe jel verminder verder ook die oordrag van herpes met 51%.
Die jel sal in Suid-Afrika vervaardig word en plaaslik sowel as internasionaal versprei word.
Volg Nuus24 op Twitter.
- SAPA