Kaapse trein aan die brand gesteek

2011-04-21 20:00

Kaapstad – Vandale het na bewering ‘n bewegende trein tussen Bellville en Langa in die Wes-Kaap aan die brand gesteek, het die SABC Donderdagaand berig.

“Trein 9832 is deur vandale aan die brand gesteek. Hulle het glo by Langa-stasie afgespring,” het Zino Mihi, Metrorail-woordvoerder, gesê.

Na bewering het twee treinwaens aan die brand geslaan.

Die brandweer het blitsig reageer en kon die vlamme spoedig blus.

Niemand is in die voorval beseer nie.

Volg Nuus24 op Twitter.
 
 

- SAPA