Kaapse skermswewer val hom dood

2013-01-11 09:22

Kaapstad – ‘n Man in sy 40’s is dood toe hy met sy skermsweeftuig teen ‘n muur wat ‘n huis in die stad se Bantry Bay-gebied omring, vasgevlieg het.

ER24 se Vanessa Jackson het in 'n verklaring gesê die man het nog op die sypaadjie gelê toe paramedici by die toneel opgedaag het. Sy gereedskap was nog aan hom gekoppel.

Reddingsdienste het hom op die toneel dood verklaar nadat hulle hom nie kon bybring nie.

Jackson sê die ongeluk – wat Donderdag omstreeks 15:00 plaasgevind het – word ondersoek.

Volg Nuus24 op Twitter 

- Nuus24