Kaapse sakevrou sterf ná spinnekopbyt

2012-08-15 07:10

Kaapstad – 'n Sakevrou wat twee weke gelede deur 'n giftige sakspinnekop gebyt is, is dood, het Die Burger berig.

Sandra Carpenter (53) was alleeneienaar van die rekenmeestersfirma Sandra Carpenter en Kie.

Carpenter se suster, Nila Nel, het gesê sy (Carpenter) nie eens van die byt geweet nie.

"Omdat sy ’n diabeet was, het haar suikervlakke weens die infeksies ná die byt die hoogte ingeskiet. Ons het begin soek vir die oorsaak van die infeksies en voorverlede Vrydag die bytplek in haar lies gesien."

Volgens Nel het die dokters haar suster behandel, maar die bytplek was later "’n gat so groot soos ’n 50c-stuk". Die sug wat uit die gat gedrup het, is ontleed en dit is hoe daar vasgestel is watter tipe spinnekop haar gebyt het.

– Volg Nuus24 op Twitter