Kaapse man sewe keer in gesig geskiet

2013-02-04 10:40

Kaapstad – 'n Man van Kaapstad is dood nadat hy sewe keer in die gesig geskiet is, het die Daily Voice Maandag berig.

Jerome Scholtz is vermoedelik die afgelope naweek deur bendelede buite sy huis in Hanover Park doodgeskiet.

'n Vrou is ook getref, maar sy is nie ernstig beseer nie.

Scholtz se ma het gesê haar seun was nie 'n bendelid nie.

"Hy het dwelms gebruik en hy was op tik, maar hy was nie 'n bendelid nie, so dit was nie nodig dat hy so moes sterf nie," het Brenda Davids aan die koerant gesê.

Scholtz was die derde persoon in 'n week wat in beweerde bendeverwante geweld sterf.

Die 24-jarige Devan Klaasen is verlede Sondag buite sy huis in Hanover Park doodgeskiet. Dae later is Mogammat Noort Cox doodgeskiet nadat hy sy suster se huis verlaat het.

– Volg Nuus24 op Twitter

- SAPA