Kaap kry oplaas nuwe straatname
2010-12-10 15:36
Kaapstad - Oswald Pirowstraat, wat ‘n Nazi-simpatiseerder vereer, sal oplaas saam met verskeie ander straatname in Kaapstad verander word, berig IOL.
In een van dié veranderings sal Oostelike Boulevard na Nelson Mandela Boulevard herdoop word.
Oswald Pirowstraat sal na Suid-Afrika se hartoorplantingpionier Christiaan Barnard vernoem word. Die stad se naamveranderingsproses begin nou eindelik ná twee vorige gefaalde pogings.
Dié skuiwe kom as ‘n verrassing, aangesien die stad onlangs ‘n duur komitee, wat deur Rhoda Kadalie gelei is, geskrap het en beloof het ‘n nuwe komitee sal teen Junie volgende jaar oor die naamveranderingsproses rapporteer.
Kaapstad is die laaste groot stad wat hul strate en plekke met name uit die apartheid-era herdoop.
Lees meer by IOL.