KZN se skole erg oorvol

2013-02-12 11:46

Johannesburg – KwaZulu-Natal se skole is oorvol; met meer as 90 leerders per klas in sommige gevalle.

The Witness berig Senzo Mchunu, LUR vir onderwys in die provinsie, het gesê R2,4 miljard sal op die opgradering van infrastruktuur by skole bestee word.

Tom Stokes van die DA sê hoë gehalte onderrig is steeds buite die bereik van baie skoliere. Altesaam 670 000 leerlinge sit in klasse van meer as 55 kinders.

Volgens die opposisieparty het 42 skole meer as 90 leerders per klas. ‘n Totaal van 254 skole het ‘n gemiddelde klasgrootte van meer as 60. In 934 skole is die gemiddelde klasgrootte 55 en meer. Altesaam 680 skole het meer as 40 kinders per klas.

‘n Addisionele 13 skole het geen klaskamers nie, wat 2 134 leerders raak.

Daar is ook skole wat tot en met 18 klaskamers benodig om oorvol klasse te hanteer.

Stokes meen daar is te min interaksie tussen onderwysers en kinders onder dié omstandighede.

Volg Nuus24 op Twitter

- SAPA