KZN-man vas vir roof, verkragting
2010-09-03 16:17
Durban – ‘n 28-jarige man is in hegtenis geneem nadat hy glo ‘n vrou verkrag en haar selfoon gesteel het, het die polisie in KwaZulu-Natal Vrydag gesê.
Volgens kapt. Thulani Zwane, polisiewoordvoerder, het die man die slagoffer op 20 Augustus by ‘n taxi-staanplek in Kwa-Mashu ontmoet en saam met haar langs die treinspoor gestap toe hy haar onverwags in die veld ingesleep en verkrag het.
Die verdagte is Donderdag by sy werkplek in Isipingo in hegtenis geneem.
“Die polisie het die verdagte se kamer deursoek nadat hy vasgetrek is en sowat 16 selfone, sewe simkaarte, twee beursies en drie vroue se identiteitsdokumente in sy besit gevind,” het Zwane gesê.
Na bewering probeer die polisie nou vasstel of die man aan ander verkragtings gekoppel kan word.
Volg Nuus24 op Twitter.
- SAPA