KZN-man kry 25 jaar tronkstraf
2010-05-25 21:57
Durban – ‘n Man van Umlazi is tot 25 jaar tronkstraf gevonnis nadat hy twee vroue beroof en verkrag het in Umgababa, KwaZulu-Natal, het die polisie Dinsdag gesê.
“Nkosinathi Zaca (24) het 15 jaar tronkstraf gekry vir die twee aanklagte van verkragting en 10 jaar vir huisbraak. Hy sal dit gelyktydig uitdien,” het kol. Jay Naicker, polisiewoordvoerder, gesê.
Zaca mag ook nie ‘n vuurwapen besit nie.
‘n Tweede verdagte moet steeds in die hof verskyn en is in polisie-aanhouding. Die derde verdagte het aan natuurlike oorsake gesterf, alvorens die polisie hom kon vastrek.
Die drie mans het glo by ‘n huis in Umgababa ingebreek in November 2005 en die 45-jarige inwoner en haar twee dogters (onderskeidelik 23 en 20 jaar oud) aangeval.
“Hulle is na verskillende kamers geneem waartydens hulle aanhoudend verkrag is. Hulle is ook van hulle selfone en juweliersware beroof,” het Naicker gesê.
Volgens Naicker het die 23-jarige slagoffer gesterf voordat sy in die saak teen die verdagtes kon getuig.
- Sapa
Volg Nuus24 op Twitter.