KZN betaal verkeerdelik R77 milj. aan werkers
2013-02-19 15:37
Durban – Die KwaZulu-Natalse regering het per ongeluk sowat R77 miljoen aan werknemers betaal wat in die laaste boekjaar bedank het, het The Mercury Dinsdag berig.
Die regering het tot dusver R18,6 miljoen van die werknemers, wat tussen April 2011 en April 2012 bedank het, teruggekry.
Die departemente wat die meeste uitbetaal het, is die departement van onderwys en gesondheid, wat onderskeidelik R61 miljoen en R13 miljoen betaal het.
Zweli Mkhize, premier van die provinsie, het dié onthullings in die parlement gemaak in reaksie op die Demokratiese Alliansie se George Mari.
Ndabezinhle Sibiya, die premier se woordvoerder, het Maandag gesê hulle is steeds besig met pogings om die geld terug te kry.
Die werknemers wat die geld ontvang het, sal nie vervolg word nie, omdat dit 'n administratiewe fout was. Selfs diegene wat wat die betaling is verkeerdelik aan hulle gemaak, sal nie vervolg word nie.
Sibiya het gesê die meeste van die mense het hul poste verlaat weens aftrede, bedanking, dood en omdat hul kontrak verstryk het.
– Volg Nuus24 op Twitter
- SAPA
