Jub Jub woon ouma se begrafnis by

2013-02-10 11:04

Johannesburg – Die musikant Molemo “Jub Jub” Maarohanye kon die tronk verlaat om sy ouma se begrafnis in Soweto by te woon, het City Press Sondag berig.

Dit volg nadat hy Vrydag ‘n dringende hofbevel gewen het, het die koerant berig.

Maarohanye is gedwing om hof toe te gaan nadat die departement van korrektiewe dienste sy versoek vir deernisverlof teengestaan het.

Hy is Saterdag deur personeel van die departement van korrektiewe dienste na die Avalon-begraafplaas vergesel. Sy bene was aan mekaar vasgemaak.

Lukas Muntingh, projek-koördineerder van die Civil Society Prison Reform Initiative, het aan die koerant gesê wetgewing “laat toe dat gevangenes op ‘n saak tot saak basis belangrike geleenthede soos begrafnisse mag bywoon”.

Maarohanye se aansoek om verlof tot appèl teen sy skuldigbevinding is Donderdag in die Protea-landdroshof geweier.

– Volg Nuus24 op Twitter
 

- SAPA