Jub Jub verlof tot appèl geweier

2013-02-07 13:21

Johannesburg – Die musikant Molemo "Jub Jub" Maarohanye se aansoek om verlof tot appèl is Donderdag in die Protea-landdroshof geweier.

Landdros Brian Nemavhidi het gesê sy beslissing is gebaseer op al die feite wat in die aansoek van Maarohanye en Themba Tshabalala aan die hof voorgelê is.

Tshabalala wou slegs teen sy skuldigbevinding appelleer.

Maarohanye en Tshabalala, is op 5 Desember tot 20 jaar tronkstraf gevonnis op aanklag van moord, vier jaar vir poging tot moord, en 'n jaar elk op aanklag van die gebruik van dwelms en dat hulle resies gejaag het op 'n openbare pad. Die vonnisse moet samelopend uitgedien word.

Hulle het op 8 Maart 2010 resies gejaag in Protea-Noord toe hulle in 'n groep skoolkinders geploeg het.

Prince Mohube, Mlungisi Cwayi, Andile Mthombeni, en Phomello Masemola is dood en Frank Mlambo en Fumani Mushwana het permanente breinskade opgedoen.
      
– Volg Nuus24 op Twitter

- SAPA