Jub Jub in hof vir vonnisoplegging

2012-12-05 08:16

Johannesburg – Die vonnisoplegging van die kwaito-sanger Molemo "Jub Jub" Maarohanye en sy medebeskuldigde, Themba Tshabalala, word in die Protea-landdroshof voortgesit.

Landdros Brian Nemavhidi het albei beskuldigdes op vier aanklagte van moord, twee van poging tot moord en roekelose en nalatige bestuur terwyl hulle onder die invloed van drank en dwelms was, skuldig bevind.

Die mans is daaraan skuldig bevind dat hulle op 8 Maart 2010 deur ‘n groep skoolkinders geploeg het, terwyl hulle resies in Mdlalose-rylaan in Soweto gejaag het. Dié straat is sedertdien Jub Jub-laan gedoop.

Vier kinders het in die ongeluk gesterf en twee ander het ernstige beserings opgedoen.

Volg Nuus24 op Twitter

- SAPA