'Jub Jub en medebeskuldigde het resies gejaag'
2011-03-17 16:04
Johannesburg – Die motors wat die hip-hop-musikant Molelo "Jub Jub" Maarohanye en sy medebeskuldigde Themba Tshabalala glo bestuur het, het wel resies gejaag, het die SABC berig.
Dié inligting is Donderdag in die Protea-landdroshof bekend gemaak.
Die twee jong mans staan tereg op tien aanklagte in verband met die moord op vier skoolkinders.
‘n Ongeluk het plaasgevind toe die mans hul Mini Coopers glo onder die invloed van dwelms in Soweto gery het terwyl skoolkinders terug huis toe stap.
Die staatsgetuie Nono Mabote het in die hof gesê sy het in Mdlalose-straat gestap toe twee motors teen ‘n hoë spoed verby haar ry.
‘n Blou motor het aan in die linkerbaan gery en ‘n silwergrys motor het in die regterbaan gery.
Mabote het gesê ‘n wit motor het hul van die teenoorgestelde rigting genader. Die silwergrys motor het probeer uitswaai en die blou motor getref.
Die blou motor het daarna oor die sypaadjie gery en kinders getref.
Andile Mtombeni (19), Phomelelo Masemelo (16), Mlungisi Cwayi (17) en Prince Mahube (17) is tydens die voorval doodgery.
Fumani Mushanana en Frank Mlabo het ernstige beserings, insluitende breinskade, opgedoen.
Volg Nuus24 op Twitter.
- SAPA