Jong vrou val haar dood op Leeukop

2012-08-27 10:49

Kaapstad – ‘n Drawwer wat haar dié naweek doodgeval het, het na bewering van die afgebakende paadjies op Leeukop gedwaal, het ‘n koerant berig.

Cape Times berig Catherine Joubert (27) van Seepunt het Vrydagmiddag saam met ‘n vriend gedraf toe die ongeluk gebeur het.

‘n Reddingswerker, wat nie geïdentifiseer wou word nie, het aan die koerant gesê Joubert het van ‘n gedeelte van die piek wat na die stad se kant wys, afgeval.

Hulle het ‘n ou paadjie gevolg toe Joubert gegly en geval het.

Angelique Jordaan, woordvoerder vir die nooddienste, het aan die koerant gesê dit blyk dat die vrou besig was om rotse te klim, weg van die paadjie af, toe sy gegly en sowat 20 m ver geval het.

Volg Nuus24 op Twitter

- SAPA