Jong man verdrink in gastehuis-swembad
2009-11-08 11:10
Johannesburg - 'n Man (25) het Sondagoggend verdrink in 'n swembad by 'n gastehuis Pietermaritzburg, het KwaZulu-Natal paramedici gesê.
Volgens Netcare 911-woordvoerder Jeff Wicks was die man een van verskeie mense wat in donker water by die gastehuis in McPherson-rylaan, Lincolnmead, geswem het.
Die man het ná een van sy spronge nie weer na bo gekom nie en sy vriende het nie agter gekom nie. Hy is later dood op die bodem aangetref.
"Teen die tyd wat Netcare 911-paramedici op die toneel opgedaag het, het die man reeds beswyk. Hy is dood verklaar."
- Sapa