Jong ma in hegtenis oor dooie baba
2010-10-05 19:01
Bloemfontein - ‘n 18-jarige ma van die Vrystaat is in hegtenis geneem nadat die liggaam van ‘n babadogtertjie Dinsdag in ‘n donga naby Bohlokong gevind is, het die polisie gesê.
Sers. Majang Mosupa het gesê ‘n lid van die gemeenskap het ongeveer 10:00 op die baba se lyk afgekom.
Sy het gesê die polisie is gekontak en het die liggaam, wat na skatting sowat vier dae oud was, in ‘n plastieksak in die sloot gevind.
Die baba was blykbaar dié van ‘n jong ma wat in Bohlokong woon.
Die 18-jariga ma is verlede week uit die hospitaal ontslaan nadat sy aan die babadogtertjie geboorte geskenk het.
Mosupa het gesê die ma se familie het Saterdag agtergekom dat sy nie haar baba by haar gehad het nie. Sy het na bewering gelieg toe hulle haar vra waar die baba is.
Die polisie is Saterdag van die voorval in kennis gestel en die ma het die polisie na ‘n plek geneem waar sy gesê het sy het die kind gelos, maar die kind is nie daar gevind nie.
Sy is Dinsdag in hegtenis geneem. ‘n Saak van moord word ondersoek.
- Volg Nuus24 op Twitter
- SAPA