John Block terug in die hof
2012-02-02 10:55
Bloemfontein – Politieke opponente sal Donderdag in groot getalle by die hooggeregshof in Kimberley opdaag vir John Block, wat teregstaan op aanklag van bedrog, se hofverskyning.
Block, ANC-voorsitter in die Noord-Kaap, Gaston Savoi, Fernando Praderi, Patrick Lenyibi, Frank Mashilo en Nandipha Madiba is aangekla van bedrog, korrupsie en die oortreding van die munisipale finansiële bestuurswet.
Die aanklagte hou verband met onreëlmatighede in die verkryging van ‘n watersuiweringsaanleg by die Sol Plaatjies-munisipaliteit in 2011.
Al ses is borgtog van tussen R2 000 en R15 000 toegestaan.
Shadrack Tlhaole, voorsitter van die ANC-jeugliga in die Noord-Kaap, het die saak as ‘n politieke sameswering beskryf om Block se integriteit skade aan te rig.
Hy het gesê die party se lede sal die hofverrigting in groot getalle bywoon ter ondersteuning van Block.
Andrew Louw, leier van die DA in die Noord-Kaap, het gesê sy party sal aanhou om Block uit die provinsiale regering te probeer kry.
Die ses mans het glo saam met munisipale werkers gespan om ‘n tender aan Intaka Holdings uit te reik vir ‘n watersuiweringsaanleg.
– Volg Nuus24 op Twitter
- SAPA