John Block 'het tenders manipuleer'
2012-07-27 17:12
Johannesburg – John Block, leier van die ANC in die Noord-Kaap, het tenders vir sy eie gewin gemanipuleer, lui ‘n verslag.
Volgens ‘n beëdigde verklaring aan ondersoekers deur Hamid Shabbir, voormalige hoof- uitvoerende beampte van die Kimberley-hospitaal, het Block provinsiale gesondheidsamptenare gedwing om tenders te manipuleer, het Mail & Guardian berig.
Hamid het die land in 2009 verlaat.
Block se bedrog- en korrupsieverhoor is vroeër vanjaar tot April 2013 uitgestel.
Block, die voormalige burgemeester van die Sol Plaatjie-munisipaliteit, Patrick Lenyibi, die munisipale bestuurder, Frank Mashilo, en die hoof- finansiële beampte, Nandipha Madiba, staan tereg op aanklagte van bedrog, korrupsie en die oortreding van die Wet op Finansiële Munisipale Bestuur.
Hulle het na bewering saam met munisipale werkers gespan om ‘n tender aan Intaka Holdings uit te reik vir watersuiweringsaanlegte en suurstof-opwekkingseenhede vir munisipale hospitale.
Volg Nuus24 op Twitter
- SAPA
