Johannesburgse middestad in donker
2009-07-27 08:24
Johannesburg – Sowat 40 straatblokke in die Johannesburgse middestad is in die donker nadat ‘n kabeltonnel aan die brand geslaan het.
Louis Pieterse, woordvoerder van City Power, het gesê die tonnel wat tussen Loveday- en Breestraat geleë is, het omstreeks 06:00 aan die brand geslaan.
“Die brand is geblus, maar die nooddienste is (Maandagoggend) nog op die toneel om die tonnel af te koel.”
“Die kragtoevoer in sommige gebiede sal Maandag herstel wees. Die meerderheid van die mense in die gebiede wat deur dié brand geraak is, sal vir ‘n paar dae sonder krag wees,” het Pieterse gesê.
City Power kon nog nie toegang tot die tonnel kry om die oorsaak van die brand vas te stel nie.
Niemand is in die brand beseer nie.
SAPA