Joemat-Pettersson: OB se verslag word verwerk

2012-12-03 11:24

Johannesburg – Die openbare beskermer se verslag oor Tina Joemat-Pettersson, minister van landbou, bosbou en visserye, word nog “verwerk,” het die presidensie gesê.

“Bespiegeling sal nie die verwerking help nie,” het Mac Maharaj, woordvoerder vir die presidensie, gesê.

Die openbare beskermer, Thuli Madonsela, het die minister daaraan skuldig bevind dat sy die etiese kode van die uitvoerende gesag oortree het.

Madonsela het bevind dat Joemat-Pettersson vliegkaartjies van Swede af na Suid-Afrika vir haar twee kinders met staatsgeld betaal het.

Die gesin het ook glo in duur hotelle gebly sonder dat die minister geweet het wat die besprekingsfooie is.

Madonsela het voorgestel dat pres. Jacob Zuma die minister berispe.

Cope het vroeër 'n beroep op die president gedoen om Joemat-Pettersson af te dank.

Volg Nuus24 op Twitter

- SAPA