Jeugliga-skenker hof toe oor belastingontduiking
2012-06-17 11:37
Johannesburg – 'n Sakeman van Limpopo wat geld aan die ANC-jeugliga geskenk het, word daarvan beskuldig dat hy die belastingwet oortree het, het die Sunday Independent berig.
Johan Beukes, 44, besit 'n konstruksiemaatskappy in Polokwane, Mahlehle, wat na bewering voordeel getrek het uit behuisingskontrakte van die regering.
Die koerant berig dat Beukes ondervra is oor sy skenkings aan die jeugliga.
Die besonderhede oor sy skenkings het Dinsdag en Woensdag in die hooggeregshof as deel van 'n ondersoek oor sy belastingsake aan die lig gekom.
Julius Malema, voormalige president van die ANC-jeugliga, het Saterdag gesê die Suid-Afrikaanse Inkomstediens (SAID) gebruik die saak net om sensasie te soek.
"Ek ken [Beukes] as 'n sakeman in Limpopo. Hy is een van vele mense wat skenkings aan die ANCYL gemaak het. Hulle het self gehelp deur arbeid te voorsien vir 'n huis wat deur die Ratanang Trust gebou is," het hy volgens die koerant gesê.
Beukes beweer hy het in 2010 'n inkomste van R655 317 gehad, terwyl hy volgens die koerant sowat R1,4 miljoen verdien het vir die jaar.
Die SAID wou nie kommentaar lewer oor die saak nie.
– Volg Nuus24 op Twitter.
- SAPA
