'Jeug moet baklei vir ANCYL' – Malema

2012-02-19 22:56

Johannesburg – Julius Malema, leier van die ANC-Jeugliga, het ‘n beroep gedoen op jongmense om te baklei vir die “ontbanning” van die jeugliga, het SABC nuus Sondag berig.

Malema het sy volgelinge in Bushbuckridge toegespreek en gesê hy sal aanhou om die ANC te ondersteun, al word hy geskors.

Malema is vroeër vir vyf jaar uit die party geskors nadat hy en ander leiers van die liga daaraan skuldig bevind is dat hulle die ANC in oneer gebring en verdeeldheid in die party gesaai het.

Hy het gesê die jeug moenie geïntimideer word nie.

“Ons is gereed om enige situasie te konfronteer. Ons is vreesloos, ons is meer gedetermineer om te veg vir die ekonomiese vryheid van ons mense en daarom werk geen vorm van intimidasie nie,” het die SABC hom aangehaal.

“Wanneer jy ons intimideer, word ons net meer gedetermineer in ons beroep op die totale bevryding van ons mense.”

- Volg Nuus24 op Twitter
 

- SAPA